Mayaudarin Soyayya zai shafe wata 12 a Gidan yari

Hukumar kula da sha’anin almundahana akan al’amuran kudi wato Economic and Financial Crimes Commissions wato (EFCC) tayi nasara a wata kara da take ma wani Matashi mai suna Onovo Osita Malachy a babbar kotun kasa dake Benin jahar Edo. Mr Onovo dai an same shi ne da laifin yaudarar wata yar kasar waje mai suna Helen Wang inda ya karbi Dalar Amurka $140,000 dubu dari da arbain a hannun ta, wanda hakan ya saba ma dokar sashi na 421 ta aikata miyagun laifukka sakin layi na C38 a hurumin dokar tarayyar Nijeriya 2004.

Laifin da kuma bai musanta ba inda nan take lauyanshi ya nemi sassauci a gaban kotu tareda tabbatar da nadamar wanda yake kariya inda nan take aka yanke ma shi hukumcin daurin wata goma sha biyu a gidan yari. Haka kuma kotu ta kara da kwace tareda mallakawa Gwamnatin Nijeriya wasu kaddarori daya mallaka wadanda sunka hada da wani Kangon Gida da kuma Mota kirar Toyota Camry 2007.

Allah ya kubutarda matasa daga wannan mugumyar sana’ar.

Abdul Mailahiya Hausa

I am Abdul Mailahiya Hausa by name, Founder and Operator at Bago Technologies. My hobbies are Reading, Travelling and Discovering.

Post a Comment (0)
Previous Post Next Post