Nicki Minaj ta bayyana dalilan da sunka sa ta soke zuwa Saudi Arabiya

Mawakiyar Kasar Amurka Nicki Minaj ta soke wasannin da ta tsara za tayi a kasar Mai tsarki Saudi Arabia sati mai zuwa. Mawakiyar dai ta jaddada goyon bayanta ne akan ‘yancin mata da kuma nuna goyon baya ga kungiyoyin luwadi da madigo wato LGBT wanda shine dalili da yassa ta soke gayyar ta zuwa kasar, kamar yanda ta bayyana.

Rahoton cewa zata tsoma kafar ta a birnin Jeddah yayi matukar jawo cece kuce daga masu suka akan tarihin hakkin mutanen kasar. Sannan wasu kuma sun nuna alamar tambaya akan ta yanda za’ayi irin shigar tsiraicin da takeyi da kuma wakokin batsa zasu bazu a duk fadin masarautar ta Saudiya.

Mahukuntan Saudiya dai suna sone su sassauto da takunkumin da sunka sa akan dokar shagulgula da bukukuwa sannan kuma suna so su kara girman bangaren al’adunsu.

A labarin da ya bazu tsakanin jiya da shekaranjiya Nicki ta bayyana hakan ne bayan duniyar musulmai da mahukunta sun tashi tsaye sunce a’a.

Abdul Mailahiya Hausa

I am Abdul Mailahiya Hausa by name, Founder and Operator at Bago Technologies. My hobbies are Reading, Travelling and Discovering.

Post a Comment (0)
Previous Post Next Post